Quist’anno carnovale corre priesso priesso a Santo Savino,
Già sento l’addore, pasta e fasuli, sasicchie e vino.

Creature vestute a festa, maschere coriandoli e stelle filanti,
Fam fá ambressa ca’ fa friddo, e maggia mette annanti.

Sarcinelle accatastate a mestiere,
n’coppa ogni lato,
stavota sará chiú gruosso e l’anno passato.

Adró si fara’ scatelle co una vampa,
oppure fumo fino a’ matina.
Me metto o cappotto viecchio, che
o’ buono s’arrovina.

Song ‘e sette manco rieci, è tutto
no deserto fore o mercato.
Ní creature, ní sarcinelle,
Vó veré che maggio sbagliato?

Ní n’autorità ca fascia tricolore, Ní no prevete co ‘ncienzo.
Stongo sulo io e a bonanima e zí vecienzo.

Ma vuó veré ca andramente songo muorto puro io?
Mi azo o bavero pe mi fa curaggio, e m’azzecco o zio.

Mo vardo, mo’ mesuro e mo’ stureo, e m’addimmanno è isso o nun è isso?
O viecchio si gira, s’aggiusta a’
coppola e mi guarda fisso.

Curto curto, co bastone, n’uocchi sulo e a facci scura,
Quisto o’ vero è zí Vicienzo e faccio na vermenata pa’ paura.

Nepó ti veco strano, stai co na faccia nzallanuta,
A crianza è sempe bona, quanno s’arriva si saluta.

Zí Viciè nun vaggio conosciuto, ma che n’ci faciti ‘lloco?
O”pataterno m’a dato no permesso per torná, ma sulo pe poco.

Sulo pe santo Savino, O tiempo e verè o fuocarone,
Ma quá nun ci sta’ nisciuno, e che sfacimm e delusione!

E allora tutta na’ botta m’arricordo, ci sta a pandemia.
Zí Vicié nun vi pigliati collera ma gira na brutta malatia.

Nun si ponno fa feste, nun si ponno strenge e mane,
Pe questo miezz a via nun ci sta manco no’ cane.

Nepó meno male che so muorto e m’aggio scampata,
ma si ero ancora vivo, sai che n’tossecata?!

Bell’e buono maggio scetato miezzo o lietto,
tutto surato, co core che me sbatteva forte m’pietto.

Santo Savino mio che suonno brutto m’aggio fatto, e che impressione,
niente fuoco ní santa Manna ní processione.

Rovina Mual